Gimando si Toledo City Mayor Marjorie Perales ngadto sa hepe sa Toledo City Police Station Police Lieutenant Colonel Rolando Barraquio nga hingusgan ang pagpangdakop sa mga nalambigit sa mga iligal nga drugas.
Nunot kini sa nahitabo nga brutal nga krimen ug pagpatay sa 12-anyos nga dalagita kinsa nakaplagan nga anaa na sa state of decomposition ug gihulagway nga gigapos sa punuan sa kahoy niadtong nakalabay nga hapon.
Sa nasayran, namahayag ang hepe nga duna nay kasong pagpanglugos kaniadto ang suspek nga si alyas Rowel diin didto kini nahitabo sa Ilo-ilo.
Sa nasayran, gikataho nga missing sukad pa niadtong petsa 11, ning bulana ang dalagita sa wala pa kini nakit-i niadtong nakalabay nga hapon.
Sa pagkakaron, gibalhog na sa karsel ang suspek kinsa giingong walay tingog-tingog sukad nadakpan, diin gitakda nga pasakaan kini sa tukmang kaso.
