Gitun-an sa Bureau of Internal Revenue ang digitalization programs aron mas paspas ug mas sayon ang proseso sa pagbayad sa buhis ug aron mas simple ang compliance sa mga taxpayer karong tuiga. Gipahigayon kini sa Tax Campaign Kick-off sa BIR East NCR sa Cainta, diin gipadayag ni Commissioner Charlito Mendoza nga prioridad sa ahensya nga ang tanan nga proseso mahimong online ug mas accessible para sa publiko.
Sa tuig 2025, nakakolekta ang BIR og Php3.105 trillion, diin Php2.49 trillion o 85% niini gikan sa electronic payment channels. Dugang pa ni Mendoza nga padayon silang nagpalapad sa mga digital tools aron mas sayon ug transparent ang pag-comply sa mga buhis.
Lakip sa mga bag-ong programa sa 2026 mao ang pag-set up sa taxpayers portal ug paggamit sa artificial intelligence, lakip na ang LOA Verifier, Interactive Digital Tax Calendar, ug Certificate of Registration QR Code Verifier. Gilauman sa BIR nga makab-ot nila ang tax collection target nga Php3.5 trillion karong tuiga pinaagi sa bag-o nga mga stratehiya.
Photo Courtesy: Manila Bulletin
