Ginapaspasan na karon sa Cagayan de Oro City Council ang pagplantsa sa ordinansa nga nagamando sa paggamit og electronic-digital weighing scale sa kamerkaduhan.
Sumala pa ni Konsehal George Christopher Goking, nangulo sa komitiba sa trade and commerce, subject na for public hearing ang paghimog mandato sa paggamit og digital weighing scale sa tanang kamerkaduhan sa syudad gikan sa pribado, pampubliko ug bisan mga ambulant vendor.
Saysay pa ni Goking, daghan nang mulo kalabot niining limbungan o tikas an nga mga timbangan nga sagad sab mabiktima kadtong mga konsumante nga mamalitay sa mga pampublikong merkado.
Inay makabarato kon makatipid, natikasan na hinuon sila sa gituli nga mga timbangan. Busa padayon ang pagduso sa konseho aron nga maprotektahan ang konsumante.
Photo courtesy: City Information Office
