Nisaka ang farmgate price sa humay niadtong Enero 2026, base sa report sa Philippine Statistics Authority (PSA).
Migawas sa monitoring sa ahensya nga miabot na sa ₱20.10 ang matag kilo nga presyo sa palay sa miaging bulan, kapin sa duha ka piso nga mas taas itandi sa ₱18.01 nga presyohan niadtong bulan sa Disyembre. Bisan pa niana, mas ubos gihapon og gamay ang presyo kon itandi sa farmgate price niadtong Enero 2025.
Misaka usab og gamay ang presyo sa regular milled rice niining unang bahin sa Pebrero itandi niadtong bulan sa Enero. Base gihapon sa datos sa PSA:
- Misaka og 4.1% ang presyo gikan sa kanhi ₱43.76 matag kilo ngadto sa kasamtangang ₱45.54 matag kilo.
- Apan kon itandi sa susamang bulan sa miaging tuig, mas ubos ang average price karong tuiga tungod kay miabot kaniadto og ₱47.77 ang matag kilo sa regular milled rice.
- Kini kapin sa duha ka piso nga mas taas itandi sa kasamtangang presyo.
Photo courtesy: Department of Agriculture
