Milapas sa Php1 trilyon ang Reserve Fund sa Social Security System niadtong 2025, nga mao ang labing taas nga financial performance nga natala sa kasaysayan sa ahensya.
Sumala ni Finance Secretary ug Social Security Commission Chair Frederick D. Go, niabot sa Php 142.97 bilyon ang net income sa SSS samtang ang kinatibuk-ang assets miusbaw sa Php1.26 trilyon.
Gipakita niini nga klaro nga luwas ang pensyon sa mga miyembro ug padayon ang paghatag sa mga benepisyo, subay sa direktiba ni Pangulo Ferdinand Marcos Jr. sa pagpahamtang og lig-on nga benepisyo ug maayo nga pagdumala sa ahensya.
Gipaklaro usab ni SSS President ug CEO Jay de Claro nga kini resulta sa istrikto nga fiscal discipline ug reporma sa pagdumala sa pondo.
Niadtong 2025, nagpahigayon ang SSS og tinuig nga dugang-pensyon 10% alang sa retirement ug disability pensions, ug 5% alang sa survivor pensions hangtod sa 2027.
Nakadawat usab ang 5.66 milyong miyembro og benepisyo nga nagkantidad og Php304.94 bilyon, samtang Php61.11 bilyon ang gipautang sa mga miyembro.
Giminusan ang interest rate sa pipila ka loan program gikan 10% ngadto sa 8%, ug gilapdan ang Pension Loan Program alang sa mga survivor pensioners.
Kini nga rekord nagpakita sa padayon nga lig-on ug malungtarong programa sa Social Security System alang sa kaayohan sa tanang miyembro.
Photo Courtesy: SSS
