Nagpakasal ang 18-anyos nga babaye sa India nga si Mangli Munda sa usa ka saag nga iro nga ginganlag Sheru isip kabahin sa tradisyonal nga ritwal sa ilang tribo sa Jharkhand.
Sumala sa mga edaran sa ilang baryo, ang maong seremonya gihimo aron matod pa mapahawa ang malas o daotang espiritu ug masiguro nga magmalungtaron ang kinabuhi sa umaabot nga bana ni Mangli.
Miuyon ang amahan sa dalaga nga si Sri Amnmunda sa maong talagsaong kasal, nga dayon gihikay sa mga lider sa komunidad subay sa ilang kultura ug pagtuo.
Matod pa sa komunidad, simboliko lamang ang maong kasal ug kabahin kini sa ilang tradisyon nga ginabuhat aron malikayan ang malas sa umaabot nga tinuod nga kaminyoon sa babaye.
Photo Courtesy: Irish Mirror
