Nadakpan sa mga awtoridad ang usa ka lalaking nagpayuhot sa ginadiling drugang shabu pinaagi sa gilusad nga drug buy-bust operation sa Purok Dwarf Santan 1, Barangay Gulayon, Dipolog City Zamboanga Del Norte niadtong nakalabayng adlaw.
Giila ang dinakpan nga si alyas Dindo, 29-anyos, ulitawo, ug residente sa Purok Sampaguita 1 sa susamang barangay ug nalistang Street Level Individual sa Drug’s Watchlist.
Nasakmit gikan sa dinakpan ang usa ka gamay nga pakete sa shabu nga nagsilbing buy-bust item lakip ang ang 500 peso bill nga buy-bust money.
Dugang nasakmit gikan sa dinakpan ang 2 pa ka gamay nga pakete sa shabu, usa ka unit sa mobile phone ug empty box sa posporo nga gigamit isip cobtainer sa shabu. Mokabat sa 1 ka gramo ang nasakmit nga druga nga nagkantidad ug Php6,800.00.
Sa kasamtangan nakakustudiya na sa Dipolog City Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs act of 2002.
Photo Courtesy: PIA
