Nadakpan sa kapulisan ang usa ka lalaki kinsa ilegal nga namalaigya ug armas pinaagi sa gipahigayon law enforcement operation sa Purok 5, Barangay Antonino, lungsod sa Labason, Zamboanga del Norte niadtong milabayng adlaw.
Giila ang suspetsado nga si alyas Jeremy, 30-anyos, ulitawo ug residente sa Purok 9, Barangay Osukan sa susamang lungsod.
Narecover gikan sa dinakpan ang usa ka caliber 9mm pistol, usa (1) ka magazine assembly, pito (7) ka 9mm live ammunition, usa ka tinuod nga five hundred peso bill nga gigamit isip buy-bust money, ug 40 ka one thousand peso bills nga boodle money.
Base sa beripikasyon sa Philippine National Police Civil Security Group – Firearms and Explosives Office nasuta nga ang suspetsado ang walay License to Own and Possess Firearms (LTOPF) nga paglapas sa R.A. 10591 kon Comprehensive Firearms and Ammunition Regulation Act.
Samtang gikustudiya na sa Labason Municipal Police Station ang dinakpan alang sa tukmang disposisyon.
Photo Courtesy: Dreamstime.com
