Gipahigayon ang kapulisan sa Sto. Tomas Davao del Norte og usa ka selebrasyon sa gugma, paglaum, ug bag-ong sinugdanan kagahapon sa buntag, Pebrero 11, 2026 sa Santo Tomas Municipal Police Station.
Gitawag nila kining Kasalan sa Selda 2026, nga gipasiugdahan sa R-PSB New Katipunan Chapter sa pakigtambayayong sa Officer-in-Charge, PMaj Eduardo J. Corpuz.
Sumala pa nga ang maong makahuluganon nga kalihokan naghatag og higayon sa mga magtiayon nga mapalig-on ug ma legal ang ilang panaghiusa, ug ang ilang panumpa sa usag usa bisan pa sa mga hagit sa kinabuhi.
Ang seremonya sa kasal gipangulohan sa Mayor Roland S. Dejesica ug gitambongan ni Provincial Director PCol Glenn G. Cristines ug ingon man sa bise mayor sa maong lungsod.
Mihatag sila og mga regalo sa mga bag-ong kasal isip simbolo sa suporta ug pagdasig samtang magsugod sila sa bag-ong kapitulo sa ilang kinabuhi nga mag-uban.
Ang kalihokan nahimong posible pinaagi sa hiniusang paningkamot ug dedikadong pagpangandam sa Local Government Unit sa Santo Tomas ug sa mga kugihan nga personahe sa STMPS.
Labaw pa sa usa ka seremonya, ang naasoy nga inisyatiba nagpakita sa hiniusang paningkamot alang sa restorative justice, kalooy, ug pagtuo nga ang matag usa takos sa ikaduhang higayon ug bag-ong sinugdanan. Inubanan sa gugma, panaghiusa, ug kausaban, bisan pa sa luyo sa rehas.
Photo Courtesy : PNP DavNor Santo Tomas
