Arestado ang usa ka indibidwal atol sa gikasang Manhunt Charlie operation sa mga awtoridad didto sa Sitio Lambog, Barangay San Alfonso, Cateel, Davao Oriental pasado alas 9:06 sa gabii, Pebrero 9, 2026.
Ang operasyon gihimo sa mga personahe sa Cateel Municipal Police Station, kauban ang mga operatiba sa PIT DOPPO RID 11, PIDMU-DOPPO TRACKER TEAM nga miresulta sa pagkaiskop ni alyas “Peter”, Top 5 Most Wanted Person sa Provincial Level, 34-anyos, ulitawo, freelance ug residente sa maong lugar.
Naaresto ang suspek pinaagi sa pagpatuman sa warrant of arrest alang sa kasong Statutory Rape ubos sa Art. 266-A (1) nga may kalabutan sa Art. 266-B (5) sa Revised Penal Code (RPC) ilawom sa Criminal Case Number 4951-2022 nga giisyu ug gipirmahan sa Presiding Judge sa Regional Trial Court, 11th Judicial Region, Branch 7, Baganga, Davao Oriental, pinetsahan niadtong Nobyembre 25, 2022 ug walay pyansang girekomendar ang korte alang sa maong kaso.
Gipasabot usab ang akusado sa rason sa iyang pagkasikop ug gipahibalo siya sa husto sa kapulisan sa iyang katungod sa pinulongan nga iyang nahibal-an.
Sa kasamtangan ang dinakpan gikudtodiya na sa Cateel Municipal Police Station alang sa hustong disposisyon.
Photo Courtesy: Pcr Mati
