Gidugangan ang kantidad nga madawat sa mga Indigenous Peoples (IPs) nga nakabenepisyo sa Educational Assistance Program (EAP) sa tuig 2026.
Matod ni NCIP-9 Regional Director Atty. Adolf Ryan Lantion, ang regular grantees sa Educational Assistance Program makadawat na karon sa Php12,500 gikan sa kanhi nilang madawat nga Php10,000.
Saysay ni Atty. Lantion, katuyuan sa maong pagdugang nga aron masuportahan pa ang edukasyon sa mga estudyante, ilabi na ang mga kabatan-onan nga sakop sa Indigenous Peoples communities.
Dugang pa niini, ang dugang pondo gamiton sa mga benepisyaryo alang sa pagbayad sa tuition,pagpalit ug libro, ug uban pang panginahanglanon sa eskwelahan sa mga kabataang magtutungha.
Samtang padayon usab ang panawagan ni Atty. Lantion sa mga EAP beneficiaries nga makigkoordinar sa ilang mga local offices alang sa dugang impormasyon kabahin sa Educational Assistance Program.
