Na sin descanso operacion contra smuggling actividad el combinao puersa del otoridad exito ya puede man intercept un L300 van Cargao de maga alegao contrabando na Sibigtul drive, Barangay Arena Blanco en este ciudad del Pebrero 10, 2026.
Durante el operacion ya puede confisca el maga otoridad clase-clase brand de maga alegao smuggled cigarillo que tiene estimao valor Php3,019,000.00, incluhido el driver del van que ya identifica como si Ben Karim Haseddin, 35-anyos hombre y residente des del Barangay Mampang.
Omentos pa, nohay segun puede presenta propio papeles el driver, rason para confisca con el maga contrabando.
Mientrastanto el maga alegao smuggled cigarillo lo mismo el suspechao ya lleva na buro de aduana para el propio documentacion y despocicion.
Photo Courtesy: CIDG Region IX
