Samad pinusilan sa tuong paa ug walang tiil ang naangkon sa biktima human sa nahitabong pagpamusil sa Zone 3, Barangay Tiguma, Pagadian City, mga alas 12:30 sa kadlawon, Pebrero 10, 2026. Ang biktima nagpangidaron ug 31-anyos, lalaki, driver ug residente sa San Pablo, Zamboanga del Sur.
Sa inisyal nga imbestigasyon sa kapulisan, samtang anaa sulod sa iyang panimalay ang biktima kalit kini nga nakadungog ug tulo ka buto hinungdan sa iyang pagtago apan walay swerte nga naigo gihapon iyang tiil.
Tungod niini dali nga gidala ang biktima sa Zamboanga del Sur Medical Center alang sa dinaliang pagtambal.
Samtang padayon pa usab ang paglusad sa kapulisan sa halawom nga imbestigasyon kalabut sa hitabo aron mailhan ang mihimo sa kremin ug masayran ang motibo niini.
Dungan niini, gipakalma sa kapulisan ang publiko ug ireport ang kadudahang lihok sa mga indibidwal ug ihatag kanila ang mga impormasyon kun may kasayuran kalabot sa mga suspetsado.
Photo Courtesy: PD ZSPPO, PRO9
