Nanginahanglan karon si Kris Aquino og Tai Chi teacher ug walking coach isip alang sa iyang physical rehabilitation, kini human siya makagawas sa ospital ug mopauli na sa ilang bag-ong puy-anan human sa unom ka semana nga pagka admit.
Segon ni Kris nga nagsugod na sila sa pagsettle sa ilang bag-ong balay ug andam na siya mosulod sa sunod nga yugto sa iyang recovery. Atol sa iyang pagpabilin sa ospital, miagi siya og minor nga medical procedure nga kabahin sa padayon niyang medikal nga recovery.
Planong sugdan ang iyang physical medical rehabilitation sa sunod nga semana human matangtang ang mga tahi sa iyang Port-a-Cath. Tungod sa iyang kahimtangan, iyang gipadayag nga nanginahanglan siya og Tai Chi teacher ug walking coach nga makasabot sa iyang pisikal nga limitasyon.
Una nang gipahibalo ni Kris nga apil usab sa iyang recovery plan ang swimming ug uban pang low-impact acivities ubos sa medical supervision.
Photo Courtesy: South China Morning Post
