Nasakmit sa mga awtoridad ang nagkalain-laing klase sa armas sa pagpatuman sa search warrant operation nga gikasa sa Sominot Municipal Police Station kauban sa ZSPIU sa Purok 2, Barangay Datagan, Sominot, Zamboanga del Sur, bag-ohay pa lamang.
Bitbit sa mga kapulisan ang search warrant nga gi-isyu sa Regional Trial Court (RTC) 9, Branch 39, Aurora, Zamboanga del Sur gumikan sa paglapas sa Republic Act 10591 (Comprehensive Firearms and Ammunition Regulation Act) nga miresulta sa pagkasikop sa suspetsado nga residente sa maong lugar.
Sa maong operasyon, lakip nga nakumpiska ang usa ka caliber. 38 revolver, usa ka homemade shotgun, usa ka improvised 12-gauge magazine assembly, tulo ka mga buhing bala sa 12-gauge shotgun , ug ang usa ka brown-gray nga slingbag.
Ang suspetsado lakip na ang mga nakumpiskang mga butang gidala sa Sominot Municipal Police Station alang na sa tukmang disposisyon.
Photo Courtesy: India Today
