Ilunsad sa Philippine Statistics Authority (PSA) Zamboanga del Sur Civil Registration System (CRS) Mobile Outlet Service aron mapadali ug mas accessible ang pagkuha sa mga live birth, marriage, cenomar ug death certificates sa katawhan nga dili na mobiyahe sa CRS Outlet sa Pagadian.
Gipasabot ni Roselia Sumalpong, OIC Statistical Specialist II sa PSA Zamboanga del Sur, ang serbisyo karon gitanyag sa mga local government Units (LGUs) uban pang private institutions aron mahatagan og onsite assistance ang mga residente ug empleyado nga nagkinahanglan og civil registry documents.
Dugang pa ni Sumalpong dako kining bintaha kun adunay mo-request sa ilang regional office sa CRS mobile outlet service tungod kay dili na kinahanglan ang appointment sa pagkuha sa civil registry records.
Tuyo niini aron mapaduol sa PSA ang serbisyo sa pag-isyu og legal documentation process ug masiguro nga ang tanang Pilipino adunay access sa ilang mga civil registry records nga sarang ilang magamit sa requirements sa eskwelahan, trabaho, social services, ug uban pang government transactions.
Photo Courtesy: PSAHelpline.ph
