Giawhag sa Commission on Elections (COMELEC) Pagadian City ang tanang wala pa makarehistro isip botante nga dili na paabuton ang katapusang adlaw sa voter registration.
Kini subay sa gibutyag ni Comelec Election Officer IV Atty. Jed Labador atubangan sa Juander Radyo News Team aron malikayan ang taas nga linya og aberya sa sistema sa katapusan nga adlaw.
Gipahinumdoman usab ni Atty. Labador ang tanang transfer of voters nga siguroon nga actual residence ang gi-aplayan sa pagparehistro aron dili mapetitionan o mapailawom sa Election Registration Board (ERB) Hearing.
Nasayran, Bukas ang COMELEC Pagadian gikan sa adlaw’ng lunes hangtud sa adlawng sabado sugod alas 8 sa buntag hantud alas 5 sa hapon aron modawat sa mga aplikante sa voter registration.
Samtang gidasig ni Atty Labador ang publiko nga magparehistro og siguro aron mahimo ang katungod sa pagpili sa mga opisyal sa barangay sa umaabot nga piniliay.
