Dakpan ang usa ka indibidwal sa mga awtoridad atol sa gikasang operasyon sa Mati City, Davao Oriental niadtong Pebrero 07, 2026. Ang operasyon gihimo sa mga personahe sa Mati City Police Station nga nagresulta sa pagkasikop sa usa ka lalaki nga giklasipikar nga Top 4 Most Wanted person sa Provincial Level.
Naaresto ang suspetsado pinaagi sa pagpatuman sa warrant of arrest alang sa 3 ka ihap sa kasong pagpanglugos nga giisyu sa korte ug walay pyansang girekomendar alang sa iyang temporaryong kagawasan.
Gipasabot usab ang akusado sa rason sa iyang pagkasikop pinaagi sa pinulongan nga iyang nasabtan ug nahibal-an.
Sa kasamtangan ang dinakpan anaa na sa kustodiya sa Mati City Police Station alang sa tukmang disposisyon.
Photo Courtesy: Mati CPS
