Gibutyag ni Acting Assistant Regional Director of Philippine Drug Enforcement Agency PDEA – 7 ug Investigation Agent V, Thessa A. Tiuzen nga nagpadayon ang mga lakang nga gihimo karon sa PDEA alang sa pagsiguro nga magpabilin nga drug cleared ang mga barangay ug nga hingpit nga mapakgang ang mga illegal nga drugas central visayas.
Matod niini nga adunay gipahigayon ang PDEA kauban ang lain pa nga buhatan sa gobyerno aron masiguro nga naglihok ang mga barangay anti-drug abuse councils nga di na masubli ang pagsulod sa illegal nga drogas sa maong mga barangay.
Dugang niini nga dunay gipahigayon ang PDEA ug uban pa nga mga ahensya sa gobyerno nga mga pakisusi unsa ang mga gihimo nga lakang sa mga barangay aron mamintinar nila ang ilang status.
Samtang, giklaro ni Tiuzen nga adunay mga barangay nga kinahanglan subayon kanunay sanglit wala kaayo niini napatuman ang mga programa batok sa illegal nga drugas ilabina ang pagpakusog sa drug cleared nga barangay.
Kahinumduman nga nga niabot sa 1622 ka mga kabarangayan na sa Central Visayas ang na drug cleared na segon sa labing ulahing ihap sa Desyembre sa nakalabay nga tuig.
Diin matod ni Tiuzen nga 654 ka mga barangay ang pabilin nga apektado ug padayong gipaningkamutan nga malimpyo gikan sa sa illegal nga drugas.
