Nadakpan sa kapulisan ang usa ka lalaki nga namaligya og droga human kini nga positibong napalitan ug droga sa gipahigayon nga drug buy-bust operation sa Brgy. Poblacion North, lungsod sa Polanco, Zamboanga del Norte niadtong nakalabay nga adlaw.
Wala na hinganli ang dinakpan, 37-anyos, kinsa nasakmitan sa 4 ka gagmayng pakete sa shabu nga motimbang ug usa ka gramo nga nagkantidad ug Php6,800.00.
Dugang nasakmit gikan sa dinakpan ang 500 peso bill nga gigamit isip buy-bust money ug ubang mga non-drug items.
Gipahigayon sa Municipal Drug Enforcement Team (MDET) sa Polanco Municipal Police Station ang maong operasyon hinungdan sa malampusong pagkasikop niini.
Nakakostudiya na sa Polanco MPS ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Polanco MPS
