Gisuspenso ang klase sa tanang level, pribado ug pampubliko nga mga eskwelahan sa tibuok probinsya sa Surigao del Norte karong adlawa Pebrero 5, 2026.
Base sa assessment sa mga Provincial Disaster Risk Reduction Management Council, Local Chief Executives, City/Municipal Disaster Risk Reduction and Management Offices, ug mga school administrators.
Halos tanan nga mga lungsod ang mideklara nga WALAY KLASE UG WALAY TRABAHO pinasikad sa mga Advisory nga gipakanaog sa ilang mga chief executives.
Gipahimangnoan ang katawhan nga magpabiling alerto ug mag-amping, ilabi na ang mga nagpuyo sa coastal areas ug mga lugar nga delikado sa pagdahili sa yuta.
Ang lakang gitumong aron masiguro ang kaluwasan sa mga estudyante, magtutudlo ug kawani sa eskwelahan, ilabina nga padayon ang ulan ug kusog nga hangin nga mahimong hinungdan sa baha, landslide, ug uban pang katalagman.
Kanselado na usab ang mga byaheng pandagat sa Dinagat Island ug Siargao ug kasikbit nga mga inter-island subay sa direktiba sa Philippine Coast Guard
Gidasig ang publiko nga magpabiling alerto ug kanunay motan-aw sa pinakabag-ong abiso gikan sa PAGASA, Provincial Disaster Risk Reduction and Management Office (PDRRMO), ug lokal nga LGU alang sa dugang update sa kahimtang sa panahon.
Photo Courtesy: PIA-SURIGAO DEL NORTE
