Gibutyag ni Senate Foreign Relations Committee chairman Senador Erwin Tulfo nga abli ang Senado sa dayalogo uban sa Chinese Embassy sa Manila, taliwala sa nagpadayon nga panaglalis sa mga diplomat sa China ug sa mga magbabalaod ug opisyal sa gobyerno sa Pilipinas.
Nasayran nga si Tulfo, nakigkita kang Department of Foreign Affairs Secretary Theresa Lazaro ug aduna silay gihisgutan nga mga diskusyon kalabot na sa isyung giatubang karun sa ahensya.
Gani, lakip sa ilang hisgutan ang bilateral nga relasyon tali sa Manila ug Beijing ingon man sa panaglalis sa South China Sea.
Matod pa ni Tulfo, nga nagpahayag ang Chinese ambassador sa ilang kaandam sa paghisgot sa mga isyu sa Senado. Dugang pa sa senador nga gipahibalo siya ni Lazaro kabahin niini ug ang maong lakang nindot alang sa dugang pagtuki.
Photo Courtesy: Philippine News Agency
