Pormal nga gi-inagurahan ang Land Transportation Office (LTO) Malungon Extension niadtong Pebrero 3, 2026, sa Sitio Lamcanal, Brgy. Malandag, Malungon, Sarangani Province. Ang maong aktibidad gipangunahan sa LTO Region XII ubos ni Regional Director Melharrieh C. Tomawis, inubanan sa Local Government Unit sa Malungon.
Ang maong kalihokan nagtimaan usab sa pagpirma sa Memorandum of Agreement tali sa LGU Malungon ug LTO Region XII.
Human sa turnover ug ribbon cutting, nag-operate dayon ang opisina, pinaagi sa online system aron makaserbisyo sa unang mga kliyente niini, apil na ang mga aplikante nga malampusong nakaproseso sa ilang Student Permit (SP).
Sa pag-abli sa Malungon Extension Office, dili na kinahanglan nga mobiyahe ang Malungonians sa General Santos City o Alabel alang sa mga transaksyon sa LTO. Gilauman usab nga ang opisina moserbisyo sa mga kliyente gikan sa silingang mga lungsod, aron mahan-ay ang pag-access sa mga serbisyo sa lugar.
Photo Courtesy: Malungon Information Office
