Nangayo og klarong tubag ug dali nga aksyon ang Kapitan sa Barangay Panoypoy, Lungsod sa Consolacion, may kalabotan pagkadaot sa landfill sa PrimeWaste Solutions nga nahimutang sa Barangay Binaliw, Dakbayan sa Sugbo.
Sumala sa kapitan, nagkagrabe ang reklamo sa mga residente tungod sa baho, posibleng polusyon, ug kabalaka sa kahimsog nga mahimong maka apekto sa komunidad, ilabi na sa mga barangay nga duol sa landfill. Matod niya nga kinahanglan na gyud og inspeksyon ug interbensyon sa mga lokal nga opisyal sa Dakbayan aron masuta ang tinuod nga kahimtang sa pasilidad.
Giduso usab sa barangay ang pakigpulong sa PrimeWaste ug sa lokal nga panggamhanan aron masiguro nga masunod ang mga regulasyon sa basura ug malikayan ang kadaut sa kinaiyahan.
