Gipasundayag sa publiko sa pamilya ni Barbie Hsu ang memorial statue nga ilang gipahimo isip pasidungog sa mitaliwan na nga Taiwanese actress nga ilado sa iyang papel sa hit series nga Meteor Garden.
Ang pag-abli sa maong memorial statue gipahigayon sa unang anibersaryo sa kamatayon ni Barbie Hsu niadtong Lunes, Pebrero 2, 2026.
Mitambong sa maong seremonya ang mga sakop sa iyang pamilya, duol nga higala, ug pipila ka bantugang personalidad sa industriya sa showbiz aron pagpasidungog ug paghinumdom sa iyang kinabuhi ug kontribusyon sa telebisyon ug pelikula.
Sumala sa gipagawas nga mga hulagway sa social media, makita ang estatwa nga naglarawan sa kahayag ug katahum sa personalidad ni Barbie Hsu, nga nagsilbing simbolo sa iyang walay kaparis nga impluwensya sa Asian entertainment industry.
Photo Courtesy: 8Days
