Gibutyag ni Willie Revillame ang pagpalit sa Wil Tower, usa ka high-rise condo ug commercial complex nga nahimutang duol sa audience entrance sa ABS-CBN, sa kasagsagan sa iyang sikat nga noontime show nga Wowowee.
Gisaysay sa TV host nga ang tulo ka lote nga nahimutangan sa Wil Tower kaniadto lain-lain ang tag-iya, lakip na si Freddie M. Garcia, kanhing presidente sa ABS-CBN.
Gipalit matod pa niya ang tanan aron malikayan ang reklamo sa network tungod sa daghang tawo nga nagpa-linya para sa Pera o Bayong segment.
Gipasigarbo usab niya ang kadaugan sa pagnegosyo tungod kay sa ikatulong lote iyang natabangan ang anak sa tag-iya nga adunay special needs, nga misangpot sa malampusong transaksyon.
Photo courtesy: Pep.ph
