Gipahigayon sa Zamboanga del Sur Police Provincial Office (ZSPPO) ang One Stop Shop sa nagkalain-laing serbisyo sa gobyerno lakip na ang Kadiwa ng Pangulo Program alayon sa kasaulogan sa Philippine National Police Day.
Ang kalihukan gihimo sa pagpanguna ni Provincial Director PCOL Bonifacio B. Arañas Jr., nga tumong sa paghatag og sayun ug paspas nga serbisyo publiko alang sa mga kapulisan, mga dependents, ug sa mga walk-in clients.
Nakabenepisyo ang mga katawhan sa nagkadaiyang serbisyo sa gobyerno ug sa barato nga baligya sa mga produktong ani sa mga mag-uuma pinaagi sa KADIWA Program.
Mipartisipar sa kalihukan ang pipila ka ahensya sa gobyerno sama sa DFA, PRC, PSA, NBI, LTO, DA, NHA, PhilHealth, Pag-IBIG Fund, ug BIR.
Ang One-Stop Shop usa ka pamatuod sa paningkamot sa PNP sa responsableng serbisyo publiko, pakiglambigit sa komunidad, ug lig-on nga panaghiusa sa mga ahensya sa gobyerno.
