Patay ang usa ka Barangay Kagawad sa Aringay, Kabacan, Cotabato, sa pagpamusil nga nahitabo alas 5 sa buntag niadtong adlawng Miyerkules Enero 28, 2026 sa nahisgutang lugar.
Giila ang biktima nga si Edgar Gatchalian, anaa sa hustong edad. Nahitabo ang pagpamusil sa usa ka mini gas station, nga gipanag-iyahan usab sa biktima.
Sa taho, sunod-sunod nga buto sa pusil matod pa ang nadunggan sa mga residente sa lugar. Nakahiagom og samad pinusilan ang biktima sa lain-laing parte sa iyang lawas nga miresulta sa iyang hinanaling kamatayon. Samtang, dali usab nga nisibat ang suspek human sa pagpamusil.
Sa karon, padayon pa ang ginahimong imbestigasyon sa Kabacan PNP, aron masuta ang motibo sa pagpamusil lakip na ang posibleng pag-ila sa suspek.
Photo Courtesy: Rom Dom
