Nagmalinawon ug hapsay ang pagsaulog sa Sinulog karong tuiga. Mao kini ang nahimong assessment sa kapulisan sa syudad sa nahitabong Sinulog Grand Mardi Gras ug uban nga mga kalihukan sa syduad sa sugbo kagahapong adlawa.
Diin gitaho ni PRO 7 Regional Director PBGen Redrico Maranan nahimomg epektibo ang gihan-ay nga seguridad alang sa maong kalihukan.
Gideploy sa kapulisan ang mokabat sa 8mil ka mga security personnel lakip ang uban nga mga buhatan nga nitabang paghatag sa seguridad.
Sa iyang bahin, si Cebu City Police Office Director PCol. George Ylanan niingon nga sa taho alas 6:00 kagabie, nahimong normal ang kinatibuk-ang sitwasyon diin adunay mga gikataho nga mga nakahiagom og mga ginagmay nga samad ug ingon man mga nangakuyapan, tungod sa kakapoy.
Samtang gibana-bana sa Cebu City Disaster Risk Reduction and Management Office nga niabot sa 5.2 million ang gidaghanon sa mga tawo nga nisud-ong sa Sinulog 2026.
