Gipasiugda sa Opisina sa Congressman sa Sarangani ug Local Government Unit sa Maasim, ang epektibong inter-agency collaboration niini, diin pormal nga gitugyan ngadto sa residente ang bag-ong nahuman nga Barangay Amsipit Water System nga nagpauswag sa access sa mga residente sa limpyo ug luwas nga tubig.
Diin ang proyekto sa water system gipatuman sa Department of Public Works and Highways (DPWH) Sarangani District Engineering Office, uban sa Shepperd Construction and Supply isip kontraktor sa proyekto.
Gipondohan kini ubos sa General Appropriations Act (GAA) 2025 – CSSP-BIP, ang proyekto adunay kinatibuk-ang balor sa kontrata nga ₱4,943,980.49.
Ang proyekto naglakip sa pagtukod ug pag-instalar sa water pumping system nga adunay 5-horsepower submersible pump, tangke sa tubig, HDPE pipelines, upat ka tap stand, electric meter, ug 10-kilovolt-ampere (KVA) transformer, pagsiguro sa kasaligan ug malungtarong suplay sa tubig alang sa Barangay Amsipit.
Diin ang pagkompleto ug pag-turnover sa Barangay Amsipit Water System gilauman nga makapauswag sa kalidad sa kinabuhi sa mga residente pinaagi sa pagsiguro sa makanunayon nga pag-access sa mainom nga tubig—usa sa mga nag-unang prayoridad ug padayon nga mga pasalig sa LGU Maasim.
Photo Courtesy: Maasim Information Office
