Patay na ang kanhing beauty queen nga si Sara Jane Paez sa edad nga 57-anyos. Gikumpirma sa iyang pamilya ang pagkamatay ni Paez kaniadtong Enero 13, 2026 apan wala gibutyag ang hinungdan sa iyang kamatayon.
Kahinumduman, nga gikoronahan si Paez nga Binibining Pilipinas-Universe niadtong 1989 ug nakigtigi sa Miss Universe 1989 pageant nga gipahigayon sa Cancun, Mexico.
Sa usa ka post sa social media, ang Binibining Pilipinas Charities, Inc. nihatag og pasidungog kang Paez. Si Paez naminyo kang Nicky Santiago diin aduna silay duha ka anak nga nagtrabaho na karon sa gawas sa nasud.
Pipila ka mga suod nga higala sa beauty queen ang nipadayag usab sa ilang pahasubo.
Photo Courtesy: Insta
