Nagkaguliyang ang social media human direktang gitubag ni Eman Pacquiao ang mga hungihong nga siya ang misteryosong lalaki sa bag-ong TikTok video ni Jillian Ward.
Sa maong video, naggamit ang aktres sa sikat nga “Big Guy” trend diin makita ang usa ka maskuladong lalaki sa iyang luyo nga nag-flex sa iyang dako nga bukton. Tungod sa postura sa lalaki, dali kining gihulaan sa mga netizens nga si Eman Pacquiao kini, ilabi na nga nahimo na siyang kabahin sa Sparkle Artist Center.
Apan, wala nagdugay ang espekulasyon human mismong si Eman ang ni-comment sa viral post aron klarohon ang kamatuoran: “Di po ako yan guys,” matod sa anak sa Pambansang Kamao. Ang iyang reaksyon nagpamatuod nga dili siya ang kauban ni Jillian sa maong video, bisan pa man sa ilang pagkahimong kauban sa industriya.
Tungod sa pag-deny ni Eman, mas misamot ang kuryosidad sa mga fans kung kinsa gyud ang tinuod nga “mystery guy.” Aduna nay mga pagduda nga tingali si David Licauco ang maong lalaki tungod kay adunay silay gi-shoot nga bag-ong proyekto ni Jillian.
Sa pagkakaron, nagpabilin nga “blind item” ang identity sa lalaki, samtang padayon nga nag-enjoy ang mga followers sa pakig-interact ni Eman sa maong isyu.
Photo Courtesy:IBT
