Gipahigayon kagahapong adlawa Byernes, Enero 16, 2026 ang usa ka orientation kalabot sa dugang pagpakisayod kung unsa ang Juander Radyo Loyalisya Incorporated ug ang mga benepisyo nga dala niini, sa Purok 1 Greenhills, Barina-ut, Barangay San Roque sakop syudad sa Iligan.
Ang maong orientation nagtumong nga mas mapalapdan pa ang matabangan sa Juander Radyo Loyalista Incorporated, usa ka grupo sa pagtinabangay nga pinaagi sa 10 sentabos makadawat usab ang pamilya nga miyembro sa higayon nga motaliwan sa kantidad nga Php 5,000 isip death assistance .
Walay registration fee, walay weekly dues, monthly dues ug magbayad lang og 10 centavos kung adunay motaliwan nga kaubanan sa organisasyon sa pinaagi sa gitudlong coordinator sa matag lugar.
Padayon usab nga gipasabot sa publiko nga ang Juander Radyo Loyalista Incorporated Iligan and Lanao del Norte Chapter , nga programa nga walay registration fee,usa ka kapunongan sa pagtinabangay, diin ang matag miyembro mohatag lamang og ₱0.10 (napulo ka sentabos) kung adunay kauban nga miyembro nga motaliwan.
Ang pamilya sa mitaliwan makadawat dayon og ₱5,000 isip death assistance. Kini usa ka simpleng paagi sa pagpakita sa kalooy ug pagtinabangay pinaagi sa gamay nga kantidad dako na kaayo kining tabang sa mga pamilya nga nag-antos.
