Gi-anunsyo sa Port Management Office (PMO) sa Surigao nga kanselado ang sea travel sa Surigao tungod sa dili maayong kahimtang sa panahon nga dala sa Tropical Depression ADA,
Nunot niini, temporaryong gihunong ang tanang biyahe sa dagat nga mogikan sa Surigao sugod alas 8:00 sa buntag sugod kagahapon, Enero 15, 2026.
Ang maong suspensyon sa biyahe magapadayon hangtod adunay sunod nga pahibalo gikan sa ahensya. Na-stranded usab ang daghang pasahero sa Pantalan sa Surigao City tungod sa kanseladong byahe nga resulta sa Bagyong ADA.
Sumala sa Philippine Ports Authority, temporaryong gihunong ang pagbiyahe sa mga barko human gipataas ang Tropical Cyclone Wind Signal Number 1, sa nasangpit nga lugar.
Adunay 33 ka Pasahero nga gilangkoban sa 29 indibidwal, Senior Citizens 2, Bata: 2 samtang sa cargoes nga sakyanan Truck adunay 4.
Sa Lipata Port Situation, adunay Rolling cargoes-76, sa talaan sa pasahero adunay 2- Female, 167-Male, mokabat ang Rolling Cargoes- 308 ug 616 ka pasahero ang dili pa makabyahe.
