Walay kahadlok nga namaligya og ilegal nga droga ang usa ka estudyante sulod mismo sa Kidapawan City Plaza, alas 11 sa buntag adlawng Miyerkules, Enero 14, 2026.
Nahulog sa kamot sa mga otoridad ang suspek nga estudyante, 24-anyos ug residente sa Purok 7A, Brgy. Sudapin sa nahisgutang syudad, human mga operatiba sa kapulisan ang iyang nahimong ka transaksyon.
Nakuha gikan sa suspek ang 4 ka sachet sa gitouhang shabu, cellphone, lighter, duha ka pouch ug Php500.00 marked money nga gigamit sa operasyon.
Kasong paglapas sa RA 9165 o Comprehensive Dangerous Drugs Act of 2002 ang atubangon sa dinakpan.
