Nagpatuman ang Department of Agriculture (DA) og moratorium sa tanang reclassification sa mga agricultural lands nga ipatuman hangtod sa bulan sa Hunyo, isip lakang aron mapugngan ang dili hustong pag-convert sa yutang pang-agrikultura.
Sumala sa Department Circular No. 1, temporary nga gisuspinde sa DA ang pagdawat ug pagproseso sa mga aplikasyon alang sa certification sa land-use reclassification. Tumong sa maong polisiya nga mapanalipdan ang mga yuta nga gialokar alang sa produksyon sa pagkaon ug agrikultura.
Samtang ginapatuman ang suspension, gisugdan sa DA ang pag-review ug pagpalig-on sa mga kasamtangang polisiya aron malikayan ang walay hustong pagbag-o sa paggamit sa mga agricultural lands.
Gipasiugda sa ahensya nga ang maong lakang kabahin sa ilang paningkamot sa pagseguro sa food security ug sa pagpanalipod sa mga mag-uuma ug sa sektor sa agrikultura batok sa dili angay nga land conversion.
Photo courtesy: Philstar
