Mainiton ug puno sa intriga ang bag-ong GMA Afternoon Prime series nga House of Lies, nga magsugod karong Enero 19. Magkauban dinhi ang mga versatel nga mga aktres nga sila si Beauty Gonzalez ug Kris Bernal sa ilang pinakalisod nga papel karon.
Si Beauty maoy magdala sa papel ni Marjorie, usa ka debotadong inahan ug mahigugmaong asawa kang Paolo, nga gidala sa papel ni Mike Tan. Samtang si Kris Bernal mao si Althea, asawa sa igsoon ni Paolo nga si Edward, nga gidala sa papel ni Martin del Rosario usa ka babayeng puno sa insecurities ug andam sa pagbuntog sa iyang mga kalaban.
Ang istorya naglibot sa duha ka pamilya nga nalambigit sa ambisyon, limbong, ug pagtraydor, ilabi na sa panag-ilog sa panulondon sa Torrecampo Realty. Apil usab sa cast ang mga beteranong mga artista nga sila si Jackie Lou Blanco, Lito Pimentel, ug Snooky Serna, uban pa.
Unsa man ang mahitabo kon mabungkag ang “perfect family” tungod sa tinagong mga sekreto? House of Lies—usa ka istorya sa kamatuoran nga mahimong makaguba sa tanan.
Photo Courtesy: GMA Networks
