Dakpan sa buy-bust operation ang 47-anyos nga tigpayuhot sa illegal nga droga, sa Purok 1B, Brgy. Cagniog, Surigao City mga alas 2:15 sa kagahapong adlawa.
Gikasa sa Drug Enforcement Unit sa Surigao City Police Station kauban ang 1st SDN PMFC ug SDN PDEA RO 13, nasikop si alyas “Soysoy”, 47-anyos, minyo, Notado nga high value individual ug residente sa nahisgutang lugar.
Narekober sa operasyon an isa (1) ka pakite sa gituohang shabu nga napalit sa poseur buyer ug dose (12) ka pakite sa gituohang shabu nga gibana-bana motimbang sa 25 grams sa kantidad ₱170,000.00.
Lakip nga nakompiska (1) ka ₱1,000 bill gigamit isip buy-bust money, isa ka itom na pouch, ₱1,500 cash, isa ka electronic weighing scale, mga plastic scoops, improvised aluminum foil strips, isa ka improvised glass pipe, isa ka lighter ug lain-laing gagmay na cellophane.
Ang suspek ug tanang nakumpiska na droga gikustodiya sa Surigao City Police Station para sa hustong disposisyon ug gitakdang mag-atubang sa kasong paglapas sa Section 5 ug 11, Article II nan R.A. 9165 o Comprehensive Dangerous Drugs Act of 2002.
