Dead on arrival sa Hospital, ang usa ka maguwang nga lalaki, human kini gidunggab sa dughan sa iyahang manghod, niadtong nakalabay nga adlaw, sa Barangay Silway 8, Polomolok South Cotabato.
Giila ang biktima nga si alyas Mark, 51-anyos, panday, samtang ang suspek giila nga si alyas Martin hamtong ang pangidaron, kinsa ang duha parehong managsuon.
Base sa imbestigasyon sa mga otoridad, nga molakaw na unta ang biktima sakay sa iyang motorsiklo, apan kalit kining giduol sa iyang manghod ug adunay nahitabong init nga panaglalis tali sa duha.
Gisulayan pa sa duha ka anak sa biktima nga ilogon ang kutsilyo gikan sa suspetsado, apan nakahiagom sila ug samad sa batiis ug kamot. Human sa maong panghitabo paspas usab nga misibat ang igsoon nga suspek.
Desidido usab sa pagpasaka og kaso ang amahan sa maong pamilya aron nga manubag ang suspek nga anak nga mipatay sa iyahang kaugalingong maguwang.
Photo Courtesy: Mathrubhumi English
