Boluntaryong gitahan sa usa ka 58-anyos nga lalaki ang loose firearm sa Tagum City Police Station (CPS) niadtong nakalabay nga adlaw. Giila ang maong lalaki nga si Rolino Breeze, minyo ug residente sa Purok Nangka, Magugpo East, Tagum City, Davao del Norte.
Personal siyang mitungha sa Tagum City Police Station aron itugyan ang usa ka unit sa Armscor shotgun nga, sumala kaniya, gihatag lang kaniya sa iyang higala.
Sumala sa pulisya, ang nasangpit nga pusil anaa na karon sa kustodiya sa kapulisan sa syudad sa Tagum alang sa hustong disposisyon ug dugang nga beripikasyon subay sa balaod.
Padayon ang panawagan sa kapulisan sa publiko nga boluntaryong isurender ang mga loose firearm aron mapalig-on ang kalinaw ug kahapsay sa komunidad.
Photo Courtesy: Adobe Stock
