Gipahinumdoman sa Department of Labor and Employment (DOLE) Caraga ang tanang mga employer ug establisyemento nga duha na lang ka adlaw ang nahibilin adiser ang deadline sa pagsumite sa 13th Month Pay Compliance Report.
Sumala sa DOLE, ang tanang pribadong establisyemento gikinahanglan nga magsumite sa ilang compliance report sa o dili molapas sa Enero 15, 2026, subay sa balaod nga nagmando sa paghatag ug 13th month pay sa mga empleyado.
Ang pagsumite sa report mahimo nang online pinaagi sa DOLE Online Compliance Portal sa reports.dole.gov.ph, aron mas sayon, paspas, ug hapsay ang proseso. Giawhag usab ang mga employer nga dili na hulaton ang katapusang adlaw aron malikayan ang aberya sa sistema ug posibleng silot tungod sa kakulang sa pagsunod niini.
Gipasiugda sa DOLE nga ang 13th month pay usa ka obligasyon sa mga employer ug usa ka importante nga benepisyo alang sa mga trabahante ilabi na sa pag-atubang sa panginahanglan sa pamilya ug adlaw-adlaw nga gastuhan.
Padayon ang panawagan sa ahensya sa tanang employer nga motuman sa balaod ug magpakita ug responsibilidad sa ilang mga trabahante pinaagi sa tukma ug tukma-sa-panahong pagsumite sa maong compliance report.
Photo courtesy: DOLE Facebook Page
