Human sa nagkalain-laing pagsaway sa mga netizens ngadto kang Senador Imee Marcos ug sa mga kaparian sa Basilica Minore del Sto. Nino, mahitungod sa pasangil nga adunay pinalabi ang pagsubay sa dress code, miawhag si Cebu Gov. Pamela Baricuatro ngadto sa mga Sugbuanon sa pagsabot ug dili dayon mohukom sa senador.
Gisumsoman sa social media ang senador ug ang basilica sa dihang nikatap ang mga hulagway diin nanagkot ang senadora nga nagsul-ob og sleeveless blouse nga gidili sa basilica, apan tungod sa nahitabo, daghang mga netizens ang nireact ug matod pa adunay gipaboran ang basilica.
Samtang sa social media page sa gobernadora, nagkanayon kini nga iyahang sayop gumikan wala siya mipahimangno sa senador mahitungod sa dress code sa simbahan diin gidili ang pagsul-ob og sleeveless.
Dugang ni Baricuatro nga iyang girespeto ang dress code sa simbahan ug nagtuo sab kini nga angay mas palabion ang hopistality ngadto sa mga mobisita sa dakbayan.
Ingon pa nga dili malikayan nga masayop hilabina sa usa ka opisyal sa gobyerno kinsa nag-agad ra sab sa mga protocol officers.
Apan isip opisyal matod sa gobernadora, mas mopili siya sa pagsabot kumpara sa paghukom dayon. Awhag sa gobernadora nga mas maayo nga mopakita ug suporta karong panahon sa Sinulog.
