USA ang patay samtang pipila ang samaran human mahulog sa pampang ang usa ka garbage dump truck nga natigayon sa may Purok Mangga, Sitio Buli, Barangay Kalian, Margosatubig, Zamboanga del Sur, niadtong nakalabay nga adlaw.
Ang mga behikulo nga nalambigit mao ang usa ka puting Howo ten wheeler garbage dump truck nga iya sa Margosatubig Local Government Unit ug gimaneho sa usa ka 36-anyos nga lalaki nagpuyo sa nasangpit nga lugar.
Sakay sa maong garbage truck ang lima ka garbage collectors nga nailhan sa pangalang Jenny, hingkod ang panuigon, duha ka 24-anyos nga lalaki, usa ka 31-anyos ug usa ka 60-anyos nga managsamang residente sa Margosatubig, Zamboanga del Sur.
Subay sa report sa kapulisan, ang maong garbage truck nagkarga sa puno nga basura aron unta kini ilabay sa basurahan apan sa kalit lang nawad-an ug kontrol ang driver hinungdan sila nahulog sa pampang.
Usa ang gideklara nga dead on arrvial sa maong panghitabo ug karon kasamtangan nang gipahiluna sa pamilya aron mahatud sa katapusang kapahulayanan.
Photo Courtesy:PD ZSPPO, PRO 9
