Gihulat na sa nagbangutang pamilya ang paghidangat sa patay’ng lawas ni Shielamae Dinawanao nga gipusil-patay sulod sa Bar sa Sibulan, Negros Oriental niadtong nakalabay nga adlaw.
Sa pakighinabi sa Juander Radyo News Team sa mismong inahan sa biktima nga si Lucy Dinawanao, lauman na ang paghidangat sa patay’ng lawas sa biktima unyang gabie aron kini mapahiluna ang haya niini sa Barangay Santiago, Pagadian City.
Kahinumduman, usa lang iyang anak sa nahimong biktima nga gipusil sa usa ka police officer diin kauban niini nga nakabsan sa kinabuhi ang laing tulo ka police officer nga naglakip sa hepe sa Sibulan Municipal Police Station.
Gipaabot ni Nanay Lucy iyang panawagan sa kaubang nagbangutang pamilya nga sila na ang mohimo sa pagpasang-at ug kaso ngadto sa police officer nga nakahimo sa maong salaod gumikan wala silay igong kapasidad nga makapasaka ug kaso.
Bisan sa pagbangutan nakahimo ra gihapon sa pagpaabot ang inahan sa biktima sa iyang pagpasalamat ngadto sa Local Government Unit sa Sibulan, Negros Oriental gumikan sa pagpahiluna sa iyang anak aron mapapauli kini sa yutang pinuy-anan sa Barangay Santiago, Pagadian City.
