Arestado ang usa ka delivery driver, human kining nisulod sa usa ka compound sa Purok Santan, Barangay Sadaan, Midsayap, Cotabato, alas 4 sa kadlawon, Enero 8, 2026.
Giila ang suspek nga si alyas Ariel, 35-anyos, delivery truck driver ug residente sa Midpapan II, Pigcawayan, Cotabato.
Sa taho sa Midsayap Municipal Police Station, nakadawat og reklamo ang ilang buhatan may kalabutan sa presensya sa suspek sulod sa compound sa pamilyang Viloria, nga matod pa, gipangita niini si alyas Vince nga wala usab nagapuyo sa maong panimalay.
Pag-abot sa otoridad sa lugar, gidakop ang suspek ug gikapkapan, asa nakuha ang usa ka kutsilyo ug usa ka pakete sa gitouhang shabu.
Sa karon, anaa na sa kustodiya sa Midsayap PNP ang suspek samtang giandam na sa otoridad ang kasong isang-at batok kaniya.
Photo Courtesy:Jun Villasoto
