Nadiskobrehan sa tropa sa 4th Infantry (Diamond) Division ang usa ka mga tinago nga armas nga naglangkob sa tulo (3) ka AK-47 riffles uban sa mga magasin sa kasikbit nga lugar sa Old Decoy, Sitio Panukmuan, Brgy. Diatagon, Lianga, Surigao del Sur, kagahapong adlawa, Enero 8, 2026.
Ang pagdiskobre sa mga armas resulta sa hiniusang operasyon sa 75th Infantry Battalion, 3rd Special Forces Battalion, ug intelligence unit nga ubos sa operational control sa 401st Infantry Brigade, human makadawat og kasayuran gikan sa usa ka kanhi myembro sa New People’s Army (NPA) nga bag-o lang misurender.
Matod pa nga boluntaryong gihatag sa kanhi NPA ang tukmang lokasyon sa armas isip kabahin sa ilang tinguha nga biyaan ang armadong pakigbisog ug mosuporta sa kalinaw ug seguridad sa probinsya.
Sumala ni Colonel Glenn Joy U. Aynera, Acting Commander sa 401st Brigade, ang nakuhang armas gituohan nga gigamit sa armadong kalihokan sa mga nahabilin nga myembro sa NPA sa maong lugar.
Photo courtesy: 4th Infantry (Diamond) Division
