Gipahigayon karung adlawa, Enero 9, ang prosisyon sa Hesus Nazareno sa Tandag City, Surigao del Sur, kini sumala sa pahibalo sa Diocese of Tandag.
Matod kang Fr. Philip Vincent Montenegro, tigpamaba sa Tandag Diocesan Social Communications (TADSCOM), magsugod ang kalihukan human sa Balaang Misa nga igahigayon alas 5:15 sa hapon sa Saint Theresa College of Tandag Covered Court.
Ang imahen nga ipagawas sa prosisyon usa ka replica sa Hesus Nazareno gikan sa Quiapo Church, nga gihatag isip gasa sa Diocese of Tandag. Gilauman nga daghang mga deboto ang motambong ug moapil sa prosisyon isip pagpakita sa ilang pagtuo, pag-ampo, ug debosyon kang Señor Nazareno.
Gihangyo sa Diocese of Tandag ang tanang motambong nga makigtambayayong, mosunod sa mga lagda sa prosisyon, ug magpabiling maampingon aron mapadayon ang kalinaw, kahapsay, ug kaluwasan sa tibuok kalihukan.
Photo courtesy: Roman Catholic Diocese of Tandag
