Padayon ang Philippine Coconut Authority o PCA – Zamboanga Sibugay sa ilang mga programa aron mapalig-on ang mga kooperatiba sa mag-uuma sa lubi sa probinsya.
Lakip sa mga gipahigayon nga kalihokan sa PCA Sibugay mao ang pagpalig-on sa mga kooperatiba pinaagi sa kapasidad-building, paghatag og training, ug suporta sa panginabuhian alang sa mga coconut farmers.
Tumong sa programa nga mapalambo ang organisadong kooperatiba aron mas sayon ang pag-access sa mga benepisyo sama sa puhunan, modernong teknolohiya sa pagpananom, ug dugang nga merkado alang sa ilang mga produkto.
Sumala sa PCA Sibugay, dako ang papel sa kooperatiba sa pagpausbaw sa kita sa mga mag-uuma ug sa pagpalig-on sa lokal nga ekonomiya sa mga komunidad nga nagasalig sa industriya sa lubi.
Padayon usab ang ahensya sa pag-monitor ug paghatag og teknikal nga tabang aron masiguro nga hapsay ug lig-on ang operasyon sa mga kooperatiba sa tibuok probinsya.
Gilauman sa PCA nga pinaagi sa lig-on nga kooperatiba, mas mapaayo ang kahimtangan sa kinabuhi sa mga coconut farmers sa Zamboanga Sibugay.
