Nasikop sa kapulisan pinaagi sa Bansalan Municipal Police Station ang Top 7 Most Wanted Person sa probinsyal nga lebel nga nailhan sa alyas “Cyrel,” 47-anyos, residente sa Purok Pakikisama, Barangay Poblacion Uno, Bansalan.
Ang pagdakop nahitabo niadtong alas 4:40 sa hapon, Enero 8, 2026, human malampusong gisilbi ang warrant of arrest sa hiniusang operasyon sa Bansalan MPS ubos sa pagdumala ni PMAJ Darryl Francis N. Ramos, COP, kauban ang 1st ug 2nd DSPMFC, mga intel operatives, ug personnel sa CIDG-11/DSPFU.
Ang warrant gi-isyu ni Hon. Alexander Balingit Yarra, Presiding Judge sa RTC Branch 21, Bansalan, tungod sa kasong Lascivious Conduct ilawom sa Section 5(b) sa R.A. 7610, nga may criminal case number XXI-3186(25), ug adunay piyansa nga duha ka gatos ka libo pesos( P200,000.00)
Human sa pagdakop, gipahibalo ang suspetsado sa iyang mga katungod ilawom sa Miranda Doctrine, gi booking ug gidokumento, ug karon anaa na sa kustodiya sa kapulisan alang sa hustong disposisyon sa kaso.
