Wala na masalbar ang duha ka kinabuhi sa magtiayon human kini nalambigit sa disgrasya sa Diversion Road, Brgy. Mabuhay dakbayan sa Gensan.
Ang magtiayon nga biktima naila nga silang Junie Gubalani, 51-anyos, driver sa tricycle, mananagat ug ang misis niini nga si Jenefer Gubalani, 52-anyos, magtutudlo ug pag-umangkon nga si alyas Sammy 38-anyos parehong residente nasampit nga lugar.
Samtang drayber sa dumptruck giila nga si Alyas John², 50-anyos, minyo, ug residente sa Litanville, Brgy. Apopong, Gensan.
Base sa imbistigasyon sa Traffic Enforcement Unit-Gensan, naglawig matod pa ang duha ka sakyanan sa kadalanan sa diversion diin ang gisakyan sa mga biktima gikan Barangay Mabuhay paingon sa Barangay Apopong, samtang ang dumptruck gikan sa Barangay Apopong padulong sa Barangay Mabuhay, apan pag-abot sa dapit nahitabuan nawad-an sumala pa ug kontrol sa pagmaniho ang drayber sa tricycle ug aksidente kining mibangga sa dumptruck hinungdan nga nakaangkon sila ug grabing samad bun-og sa lawas og miresulta sa ilang kamatayon.
Dali kining gidala sa ospital apan wala ma kini masalba sa nag-atiman nga doctor.
Photo Courtesy: Jaxx Channel
